Logo

Söfnuninni er formlega lokið.
Heildarfjárhæð þess sem safnaðist er 931.329 kr.

Söfnunarfénu hefur verið skipt á milli tveggja líkarfélaga, Vinir til Bjargar, kt. 540509-0690,
sem styrkir Kristján Hauksson, ekkil Bjargar Guðmundsdóttur og VKM (vinir Kidda málara), kt. 510708-1130,
sem styrkir Kristinn Guðmundsson, bróðir Bjargar.

mynd1Hjólað í kringum landið dagana 2. - 16. júlí
Á sumu má sigrast er áheitasöfnun fyrir aðstandendur Bjargar Guðmundsdóttur og bróður hennar Kristinn Guðmundssonar. Björg glímdi við MND en lést úr krabbameini 7. júní síðastliðinn. Kristinn glímir við MND sem er ólæknandi taugahrörnunarsjúkdómur.
Í dag er MND sjúkdómur sem ekki er hægt að sigrast á!

Allt fé sem safnast verður skipt jafnt á milli líknarfélaga tengdum þeim; Vinir til Bjargar og Vinir Kidda málara.

hjolagarpurinnHjólakappinn
Einar Þ. Samúelsson mun hjóla hringinn en hann er systursonur Kristins og Bjargar. Hann er 37 ára, þriggja barna faðir, úr Kópavogi.
Hann er ekki „extreme“ hjólagaur en hefur mikla trú á hjólinu sem farartæki og hefur hjólað í vinnuna upp á næstum hvern dag í tæp þrjú ár.
„Auk þessa gríðarlega áfalls sem sjúkdómurinn er, þá er baráttan við hann kostnaðarsöm og við þetta bætast peningaáhyggjur. Þess vegna langaði mig til þess að gera eitthvað til að verða að liði“, segir Einar.

Dagur15

Lokaspretturinn
Hin fjögur fræknu lögðu af stað í gær frá Meðalfellsvatni rétt fyrir hálf-tíu. Ég, Hlynur, Jónas og María. Ögn svalt var um morguninn og hjólreiðamenn óvissir hvort þeir væru of léttklæddir en annað kom á daginn stuttu síðar. Leiðin gékk mjög greiðlega og var virkilega gaman að hjóla í góðra vina hópi, með goluna í bakið (í fyrsta sinn) og sól í heiði. Við gatnamótin Suðurlandsvegur/Vestulandsvegur bættust tveir hjólakappar við í hópinn en þeir voru reyndar á mótordrifnum hjólum. Þetta voru lögregumenn sem veittu okkur fylgd frá gatnamótunum að ómalbikaða kaflanum í Heiðmörk. Þetta var stemming!!!
Við komum á áfangastað rétt fyrir hálf-eitt og þar beið fríður hópur fólks. Gaman að fá svona móttökur!
siminn
gap
asics

hugsaser
Hugsa sér! Vefhönnun